Chlausä-Cup

Zunzger Waldlauf

Intern

Aktivitäten

Altjahresbummel 2005

Am Fritig dr 7. Januar 2005 isches endlich sowiet gsi, dr Altjooresbummerl vom 2004 het statt gfunde. Am halb 7i heimr uns bi dr Post in Zunzge vrsammlet. Denn isch den churz vor viertel vor 7i dr Bus cho Richtig Sissach. In dä sind den alli 14 Teilnehmer igstiege. Am Bahnhof isches den in Schnellzug richtig Liestal gange. Dört acho, simmer zerscht emol ins Nelson-Pub ein go schnappe. Nocherä halb Stund simmer den mitem WB richtig Oberdorf gfahre. In Hölstein simmer usgstiege und richtig Oberdorf gloffe. Alles unter dr führendä Händ vo de Organisatore em Dill und Roman!
Womr ändlich acho sind heimr den au grad d Beiz Eidgenosse gstürmt und sind emol hi ghockt. Und den isches Losgange: TISCHGRILL à DISKRESION!!!!
Fleisch Fisch Omlette Spätzli Rösti Eier Banane mit Schoggi oder Öpfel mit Zucker.... alles hets geh! Und dr Flo het den au grad die neustä Kreatione usprobiert, wie zum Bispiel Schoggi-Fisch oder Speck-Fisch. Dr Roman het den usversehe no Schoggi-Öpfel mit Cocktailsauce probiert (het gschmeckt). ;-)
Doch es isch nid lang gange do heimr scho Nochschub brucht. Vorallem Fleisch isch Mangelware gsi. Noch dr sechste Platte heimr den müsse drum bättle das mr no eini becho händ. D Restaurant-Frau het es bitz Angst gah das mir nid alles würde ässe.
Au Brötli heimr müsse nochbstelle, mir hei scho Angst gah, s Wort „à Diskretion“ isch den Fraue unbekannt....
Nocheme Zytli isches den ziemlich lustig zuä und her gange, dr Tisch het langsam emä Schlachtfeld gliche (vor allem dr Offä vom Flo und em Roman). Abr au d Schoggi in dr Eierschale wo dr Otti zäme mitem Flo umegschoss hei isch schön überä Tisch vrstriche gsi... Die erste hei den au scho bald zahlt wo die letschte immerno am Fleisch und Zucker-Öpfel am esse gsi sind.
Nach öbbe 2 ½ Stund ässe sind den au die letschte mit ässe fertig gsi. Und ufem Tisch isch e riese Sauerei gsi und no wenigi Essenreste...
Denn simmer au no schnell ind Bar go ineluege und händ no schnell e Drink gnoh.
Dr Schweini heimr den au no atroffe und er het uns vrsproche das er au wiedremol in TV chunt. Mol luege.... Mit dr letschte WB simmr den richtig Liestal gfahre. Unterwegs heimr den no e Schnupfrundi duregeh. Mi hets grausam vrstriche....
In Liestal heimr den no öbbe 25 Minute müesse uf dr Bummler richtig Olte warte. Noch dem mr no emä Irre zuäglueggt händ, wo dr halb Bahnhof zäme trampt het, will er offesichtlich die letschti WB richtig Oberdorf vrpasst het, heimr den no e Schnaps gnoh vom Markus sim Flachmann. Zwo Minute spöter isch den dr Bummler cho. Und en Sauglatte obe isch leidr vrbi gsi...
Es Dankschön an ROMAN und DILL für dä glungeni Altjooresfummel ....ähh bummel.
Mir freue und alli scho grausam uf nöchst Joor.
TV Zunzgen allé...
Roman

Copyright © 2017 | TV Zunzgen